Skartgripir Dieters Roth

Texti: Ragna Gestsdóttir Sunnudagsleiðsögn safnstjóra verður 11. september kl. 14 um sýninguna Skartgripir Dieters Roth. Dieter Roth (1930–1998) var í senn brautryðjandi sem virti engar takmarkanir, hugsuður, frumkvöðull, skáld, tónlistarmaður, kvikmyndagerðarmaður og myndlistarmaður. Færri vita að hann vakti jafnframt athygli fyrir nýstárlega skartgripasmíði sem hann hóf að fást við á Íslandi seint á sjötta áratug síðustu aldar. Upplýsingar: listasafn.is.