Skemmtileg bók skrifuð af hlýju og næmni

Texti: Steingerður Steinarsdóttir Guð leitar að Salóme eftir Júlíu Margréti Einarsdóttur er yndislega falleg saga um ást, tengsl, tengslaleysi, þá tilfinningu að vera öðruvísi og leit manneskjunnar að sjálfri sér. Sumir verða fyrir áföllum og er hent út af sporinu, annaðhvort varanlega eða tímabundið meðan aðrir finna sig einhvern veginn alltaf á skjön við lífið og tilveruna. Þannig er Salóme, tilfinninganæm, athugul, listræn og feimin. Rauðhærða stúlkan sem burðast með drauga fortíðar.   Þetta er fjölskyldusaga. Elsa býr á Akranesi með Pétri sínum, fjörugum sjómanni með gullhjarta þótt hann sé kannski svolítið drykkfelldur. Þau eiga saman rauðhærðu tvíburana Láru og Stellu....