SKRIPO

Vinirnir Guðjón Viðarsson Scheving og Kári Þór Arnarsson skapa listaverk undir nafninu SKRIPO og blanda þeir þar saman áhuga sínum á list­ sköpun. Verkin eru málverk af litlum fígúrum sem mynda fjölmörg andlit sem fylla strigann. Hvert málverk er samstarf því einn byrjar að teikna augu, sá næsti nef og þannig koll af kolli þangað til andlit hafa mótast. Með þessari aðferð segja Guðjón og Kári að hvert verk verði einstakt og ófyrirsjáanlegt varðandi það hvernig það kemur út. Verkin má skoða á Instagram undir skripo_art.