Starfar á mörkum myndlistar og hönnunar 

Umsjón/ Matthildur Hafliðadóttir Myndir/ Eva Schram og frá listamanni Myndlistarmaðurinn og hönnuðurinn Salóme Hollanders er þekkt fyrir fallegu handgerðu speglana sína en nýlega hélt hún myndlistarsýningu í Herma gallerí við Hverfisgötu á olíumálverkum sínum. Hún nýtur þess að starfa á mörkum hönnunar og myndlistar og vinnur mikið í höndunum. Salóme er fædd og uppalin í Eyjafirði og ólst upp að mestu í sveit með foreldrum sínum og systkinum en foreldrar hennar eru bæði hollensk að uppruna. Salóme fór í fornám við Myndlistaskólann í Reykjavík og svo leiddu leiðir hennar að Listaháskóla Íslands í vöruhönnun þar sem hún útskrifaðist árið 2022.