Stíllinn minn: Klara Malín Þorsteinsdóttir 

Klara Malín Þorsteinsdóttir er 27 ára fagurkeri sem býr í kósí kjallaraíbúð í Vesturbænum í Reykjavík með kærastanum sínum, vinkonu og nokkrum heimalningum sem detta að hennar sögn inn af og til. Á heimilinu ríkir alvöru kommúnustemmning og hún elskar það. Hún sinnir safnvörslu og samfélagsmiðlum á Náttúruminjasafni Íslands og tekur á móti hópum í safnfræðslu en Klara er með gráðu í listfræði með heimspeki sem aukafag og var að ljúka viðbótardiplómu í hagnýtri menningarmiðlun. Í sumar mun hún starfa sem flugfreyja hjá Icelandair og gerir ráð fyrir að það muni auka úrval fataskápsins þar sem hægt er að finna...