Strawberry Daiquiri

Umsjón: Ragna Gestsdóttir Daiquiri-drykkurinn er nefndur eftir samnefndum bæ á Kúbu en sagan segir að Jennings Cox bandarískur verkfræðingur hafi fundið drykkinn upp þar árið 1896. Ginið kláraðist í boði sem Cox hélt og því var romm hendi næst, drykkurinn sló í gegn hjá gestunum og nefndi Cox hann eftir næsta bæ. Margar útfærslur eru til af drykknum og Jarðarberja-Daiquiri er svalandi sumardrykkur, sem má útbúa bæði með og án áfengis. Best er að nota fersk jarðarber í hann og hafa hluta þeirra frosin. Þannig verður kokteillinn þéttur líkt og „smoothie“ og nánast þannig að borða má hann með skeið.