Stríð er alltaf glæpur  

Texti: Steingerður Steinarsdóttir „Láttu þér aldrei detta í hug að stríð, sama hversu nauðsynlegt og sama hversu vel það er réttlætt, sé ekki glæpur.“ Þetta sagði Ernst Hemingway og sá maður talaði af reynslu. Hann barðist í fyrri heimsstyrjöldinni, borgarastyrjöldinni á Spáni og í heimsstyrjöldinni síðari var hann bæði stríðsfréttaritari og tók þátt í bardögum þótt ekki væri hann skráður í herinn. Stríðið í Úkraínu er glæpur. Um það eru allir sammála. Ráðist er inn í fullvalda, friðsamt ríki að því er virðist í þeim tilgangi einum að sölsa undir sig aukin landsvæði og sýna vald sitt. Hér á landi...