uppskrift

Makona, þar sem Ísland og Nýja-Sjáland mætast

Umsjón/ Matthildur Hafliðadóttir Myndir/ Eva Schram Veitingastaðurinn MAKONA opnaði síðastliðinn janúar við Borgartún 26 en þar hittum við nýsjálenska kokkinn Glenn Moyle og hans teymi sem saman matreiða dýrindis rétti. Glenn Moyle hefur í um þrjátíu ár starfað sem kokkur víða um heim. Hann ólst upp á Nýja-Sjálandi en árið 1997 flutti hann þaðan til Hollands til að stunda íþróttina vatnapóló um stund en eftir það flutti hann til Lundúna þar sem hann hóf sinn feril í matargerð. Hann hefur ferðast mikið á sínum ferli og starfað sem kokkur í löndum líkt og Englandi, Skotlandi, Danmörku, Noregi, Austurríki, Grikklandi, Ástralíu, Nýja-Sjálandi, Hollandi og nú á Íslandi. Á ferðalögum sínum upplifði hann ólíka menningarheima og matargerðarlist sem hefur mótað og auðgað hans heimssýn en líka bragðlauka. Hann nýtur samstarfsins við aðra kokka sem má finna í eldhúsinu því starfið innan þess getur verið einstaklega fjölþjóðlegt og gefandi. „Núna hef ég búið jafn lengi á Nýja-Sjálandi og hér á Íslandi og langaði því einnig að tengja þessi lönd meira saman.“ ...

Vikan Vinsælt

„Ég er ekki lengur hrædd við það sem koma skal“

María Krista Hreiðarsdóttir hefur alla tíð verið sinnar eigin gæfu smiður. Frumkvöðlaandann fékk hún í vöggugjöf og hefur hún nýtt sér hann óspart í gegnum árin. Hún hefur skapað sér nafn sem hönnuður, fyrirtækjaeigandi og áhrifavaldurá sviði heilsu og lífsstíls en er að eigin sögn ósköp venjuleg miðaldra stelpa. Hér rifjar hún upp æskuárin í Hafnarfirði, lífsstílsbreytinguna sem breytti lífi hennar og sáran missi sem kenndi henni að taka lífinu ekki sem sjálfsögðu. Umsjón: Steinunn Jónsdóttir Myndir: Sunna Gautadóttir Förðun: Kalli MUA „Ég fæddist á Sólvangi í Hafnarfirði þann 31. desember 1973 og var líklega með þeim síðustu sem geta kallað sig fullgildan GAFLARA en það gildir aðeins um þá sem fæðast innan 220 póstnúmersins. Ég er afar stolt af því að vera Hafnfirðingur enda er Hafnarfjörður minn uppáhaldsstaður og ég vil hvergi annars staðar vera,“ segir María Krista þegar hún er spurð út í uppruna sinn. Á æskuheimilinu var alltaf líf og fjör en hún er elst fjögurra systkina. „Við ólumst upp í sama húsinu alla okkar æsku og þar búa foreldrar okkar enn. Ég bjó að vísu eitt ár á Laugarbakka sem barn með mömmu og pabba, sem unnu þar í skólanum, en annars höfum við fjölskyldan lítið farið út fyrir bæjarmörkin.“  Foreldrar hennar,...