„Það þarf enginn að trúa á skrúfjárn til að það virki“ 

Hera Gísladóttir er kona sem auðvelt er að heillast af. Hún býr yfir óþreytandi orku og útgeislun; er hlý, ákveðin, forvitin og óhrædd við að fara beint að kjarna málsins. Sem barn hlustaði hún áhugasöm á samræður fullorðinna og velti fyrir sér hvað byggi að baki orðum þeirra og hegðun. Í dag hefur hún gert forvitnina að leiðarljósi í starfi sínu sem heilsumarkþjálfi og stjörnuspekingur, þar sem hún hjálpar fólki að skilja eigin orku, líkama og innri rödd betur. Hera ólst upp við þröngan kost en mikið frelsi, var sjálfsörugg og lífsglöð en missti síðar sambandið við sjálfa sig og