„Það var samfélagið sem togaði í mig og þrá í að tilheyra“ 

Þórhildur Tinna er sýningarstjóri og listfræðingur sem á ættir að rekja til Stöðvarfjarðar en hún ólst upp í Vesturbænum í Reykjavík. Þegar henni bauðst að taka við stöðu forstöðumanns Menningarstofu Fjarðabyggðar árið 2024 flutti hún austur með eiginmanni sínum, honum Þórði Atla Eiríkssyni. Í dag búa þau á Reyðarfirði ásamt syninum Birtingi og hundinum Týra en Birtingur kom í heiminn fyrir austan árið 2025. Þórhildur starfaði áður hjá Myndlistarmiðstöð, þar sem hún leiddi skipulagningu og framkvæmd á myndlistarhátíðinni Sequences, og Íslenska skálanum á Feneyjatvíæringnum, sem verkefnastjóri alþjóðlegra verkefna. Þá var Þórhildur ein af aðalskipuleggjendum LungA, listahátíðar ungs fólks á Austurlandi,