Þegar ég held matarboð fer ég alla leið! Áramótaþemað í ár er hreinleikinn, kærleikur og lífið til heiðurs tengdadóttur minnar

Sjöfn Þórðardóttir segist vera mikil fjölskyldukona og elskar að vera með sínu fólki. „Ég er mikill fagurkeri, matgæðingur og ástríðukokkur og veit fátt skemmtilegra en að bjóða mínum nánustu til hátíðarveislu. Við misstum elsku tengdadóttur okkar, Sofiu, í vor, sem var okkur hjónum sem dóttir enda bjó hún hjá okkur í hartnær tíu ár. Hennar er sárt saknað. Áramótaþemað í ár er hreinleikinn, kærleikur og lífið til heiðurs Sofiu. Áramótalitirnir eru hvítt og silfur, með smá gylltum keim, en hvíti liturinn var uppáhaldslitur elsku Sofiu. Hún er ávallt með okkur í anda en hún elskaði hvít blóm svo hvít blóm...