„Þegar þú býrð eitthvað til þá ertu að sporna gegn niðurrifi“ 

Hildur Guðnadóttir er eitt ástsælasta tónskáld okkar Íslendinga og við fögnum stolt fregnum af sigrum hennar. Hún hefur samið tónlist fyrir bæði kvikmyndir og sjónvarpsþætti og hlotið fyrir það virt verðlaun, þar á meðal Óskarsverðlaun, Golden Globe, Emmy og Grammy. Þá hafa verk hennar hljómað um stærstu tónleikasali heims og hún unnið með einhverju áhrifamesta tónlistarfólki samtímans. Það er eitthvað einstaklega heillandi við Hildi, hvort það er jarðbundin og þægileg nærvera hennar, smitandi hláturinn eða ástríðan sem hún ber með sér og á rætur að rekja til djúprar trúar á sköpunarkraftinn sjálfan er erfitt að segja – líklega allt í