Töfrandi textílheimur

Þær Hildigunnur Sigurðardóttir og Hrafnhildur Gísladóttir kynntust í textílnámi í Myndlistaskóla Reykjavíkur. Það var fljótt ljóst að þær höfðu báðar brennandi áhuga á endurnýtingu textíls og voru fullar af hugmyndum um hvernig hægt væri að vekja athygli fólks á þessu mikilvæga málefni. Þær stofnuðu Textíl Barinn fyrir um tveimur árum síðan í bílskúrnum hjá Hrafnhildi en í vor opnuðu þær vinnurými og verslun í Faxafeni 10 þar sem þær taka á móti áður elskuðum textíl og gefa honum nýtt líf. Þar halda þær einnig fjölbreytt námskeið, sinna eigin listsköpun og vinna hugmyndavinnu að textílheimum sem þær setja upp í sýningarrýmum,