Um leið og fólk er verkefnalaust þá fer það að dala 

Platínuhópur FKA er ný sveit reynslumikilla kvenna innan félagsins sem hafa það hlutverk að virkja félagskonur á „þriðja æviskeiðinu“. Markmiðið er að þær fagni og njóti æviskeiðsins, finni fyrir sér og virði sínu og síðast en ekki síst deili þekkingu sinni og reynslu til þeirra sem eftir koma. Mikilvægt er að kynslóðir finni taktinn í sameiningu til að takast á við áskoranir samtímans og hafa fimm konur tekið að sér að leiða hópinn, þær Bára Magnúsdóttir, Emma Holm, Geirlaug Þorvaldsdóttir, Hafdís Karlsdóttir og Hanna María Siggeirsdóttir. Bára Magnúsdóttir hefur verið í FKA síðan árið 2000 og árið 2010 veitti FKA