Umfangsmikil sýning á verkum Birgis Andréssonar á Kjarvalsstöðum

Nýverið opnaði sýningin Eins langt og augað eygir sem er fjölbreytt og yfirgripsmikil sýning á verkum myndlistarmannsins Birgis Andréssonar (1955-2007). Birgir var vel þekktur innan íslensku myndlistarsenunnar og sótti innblástur til íslenskrar menningar, sagna, hefða og handverks þjóðarinnar. Hann hlaut lof á alþjóðlegum vettvangi myndlistar og eins og fram kemur á vef Listasafns Reykjavíkur veitir sýningin innsýn í áhrifamikinn feril listamannsins og tengir á þann hátt verk hans við innlenda og erlenda samtímalist. Á sýningunni má finna yfir 100 verk sem koma meðal annars úr safneign Listasafnsins áðurnefnda, Listasafns Íslands, Nýlistasafnsins og Metropolitan-safnsins í New York ásamt innlendum og erlendum