Undir dönskum áhrifum – Aðalatriðið að fólki líði vel

Umsjón/ Guðný HrönnMyndir/ Hákon Davíð Björnsson Meðalholt í Austurbæ Reykjavíkur er einstaklega krúttleg einstefnugata sem einkennist af grónum görðum og rólegheitum. Við heimsóttum fallegt heimili í Meðalholti þar sem Birta Fönn Sveinsdóttir og Sigmar Bjarni Sigurðsson búa ásamt hundinum Rio. Þar gætir óneitanlegra danskra áhrifa og ákveðinn léttleiki er í aðalhlutverki. Birta og Sigmar festu kaup á íbúðinni í ágúst 2020 þegar þau fluttu heim frá Danmörku. Þau fengu íbúðina afhenta í nóvember og hafa síðan þá náð að koma sér vel fyrir. „Þegar við fengum íbúðina afhenta þá tókum við um mánuð í að gera það sem gera þurfti