„Útsýnið og góði andinn heilluðu strax“

Í einstöku fjölbýlishúsi í Kópavogi búa hjónin Óli Geir Kristjánsson og Þórhalla Mjöll Magnúsdóttir. Fjölbýlishúsið er hannað af Kjartani Sveinssyni árið 1973 og er staðsett við Kjarrhólma, rétt við Fossvogsdal. Óli er arkitekt og starfar hjá ALARK arkitektum en Halla, eins og hún er oftast kölluð, er sérnámslæknir í lyflækningum á Landspítalanum. Saman eiga þau drenginn Leó Snæ og eiga von á öðru barni sínu síðar á þessu ári. Þau hafa búið við Kjarrhólma síðan í júní 2022 en þá höfðu þau bæði nýlokið námi erlendis, í Svíþjóð og Danmörku. Leiðir hjónanna lágu fyrst saman fyrir um 16 árum þegar