Veturinn verður að vori á hálendinu

Umsjón/ Þórey Þórsdóttir Myndir/ Cindy Rún Xiao Li Helgina 24.-26. apríl fór fram einstakur matarviðburður í Kerlingarfjöllum. Þar töfraði Michelin-kokkurinn Aggi Sverrisson, yfirkokkur á Moss, fram ógleymanlega matarupplifun úr hágæða hráefni eins og honum einum er lagið. Óviðjafnanlegt umhverfi Kerlingarfjalla magnaði sannarlega hughrif viðstaddra og útkoman varð ævintýraleg upplifun sem mun seint líða gestum úr minni. Í Kerlingarfjöllum er tilkomumikil náttúra hvert sem litið er; rjúkandi jarðhitasvæði og hrímkaldar jökulár í bland við snæviþakta fjallstinda og stórbrotna útsýnisstaði. Fjöllin draga nafn sitt af dranga við Kerlingartind sem heitir Kerling en fyrr á öldum trúði fólk því að dranginn væri tröllskessa