Viðbætt efni í matvælum sem ber að varast

Texti: Unnur H. Jóhannsdóttir Viðbættur sykur er í mörgum matvælum, eins og margir vita, en færri vita að salt er það líka. Þá er koffín í ýmsum orkudrykkjum sem börn og ungmenni neyta og er þeim ekki hollt frekar en fullorðnum kaffiþambið. Sykur er náttúrulega til staðar í sumum matvælum, til dæmis mjólkursykur í mjólkurvörum og ávaxtasykur í ávöxtum og hreinum söfum. Það er hins vegar talað um viðbættan sykur þegar honum er bætt í matvörur við framleiðslu. Það er ekki bara hvítur sykur sem telst til viðbætts sykurs, heldur einnig hrásykur, púðursykur, melassi, síróp, agavesíróp, glúkósi (þrúgusykur), ávaxtasykur (frúktósi), og...