Völvan 2025: Nýr ritstjóri Morgunblaðsins og Söngvakeppnin súrnar

Það þykknar yfir Ríkisútvarpinu, en birtir til hjá Hádegismóum á árinu sem framundan er. Áhugi Íslendinga á Eurovision verður með minnsta móti, en rokkari kemur sterklega til greina sem fulltrúi Íslands. Þetta kemur fram í Völvuspá Vikunnar fyrir árið 2025. Hér að neðan er aðeins hluti af spá Völvu Vikunnar, sem snýr að fjölmiðlum. Til að lesa alla spána má smella hér. Hátt yfir Hádegismóum Við víkjum tali okkar að íslenskum fjölmiðlum og stöðu þeirra. Völvan leggur tarotspilin í hálfboga fyrir framan. Hún veltir spilunum lengi fyrir sér áður en hún mælir: „Fram undan sé ég miklar breytingar hjá Morgunblaðinu