Völvan sannspá um ótrúlega vendingar í stjórnmálum á árinu

Völvan hafði margt og mikið að segja um stjórnmálin á liðnu ári. Hún spáði því réttilega að Bjarni Benediktsson myndi hætta í stjórnmálum á árinu og sannarlega gerði hann það. Strax 6. janúar tilkynnti Bjarni að hann hygðist ekki taka sæti á Alþingi Íslendinga eftir jólafrí og gæfi ekki kost á sér til áframhaldandi setu sem formaður. Jafnframt sagðist hún sjá að Bjarna myndi líða vel í nýja lífi sínu og þar reyndist hún sannspá, en Bjarni hefur verið léttleikandi í viðtölum eftir að stjórnmálaferlinum lauk og nýtur greinilega lífsins í botn sem óbreyttur borgari. Varðandi Samfylkinguna þá sagðist Völvan...