Á sólskinsdegi síðustu helgina í maí litum við í útskriftarveislu til bræðrabarnanna Ásgeirs Pálssonar og Iðunnar Soffíu Agnadóttur sem útskrifuðust frá Verzlunarskóla Íslands og slógu til sameiginlegrar veislu. Veislan var haldin í ævintýralegum garði Hildar Sólveigar Pétursdóttur og Agna Ásgeirssonar en Hildur er mikil veislukona og skreytti því hátt og lágt en saman framreiddu foreldrarnir dýrindis veitingar í veisluna. Við fengum Hildi til þess að segja okkur betur frá veislunni og þeim kræsingum sem voru þar á boðstólum.
