Á fallegu mánudagseftirmiðdegi í maí litum við inn í prjónakaffi í versluninni Icewear Garn við Fákafen. Þar hittum við fyrir verslunarstjórann Ölmu Ragnarsdóttur og fjölda flottra prjónara sem njóta þess að koma saman einu sinni til tvisvar í viku og sinna prjónaskapnum á meðan þau spjalla og sötra ilmandi kaffi. Við fengum Ölmu til að segja okkur betur frá prjónaáhuganum og þessum vinsælu samkomum sem verslunin stendur fyrir.
