Ástin og ástarflækjur eru grunnþema margra klassískra bóka og ástarsögur njóta gríðarlegra vinsælda enn í dag. Þær vekja ævinlega áhuga fólks. Flestir geta sett sig í spor elskendanna og þekkja vel að stundum er ástin heit og hlý en stundum sár og köld. Ótal slíkar sögur hafa náð að fanga hugi fólks og eru löngu orðnar klassískar. Hvort einhverjar þeirra nýjustu nái sömu stöðu er ekki hægt að spá fyrir um en víst er að þær seljast og eru lesnar af ansi mörgum.
