Edik bruggað frá grunni úr íslensku hráefni 

Edikið frá Bjálmholti vakti athygli okkar nýverið. Um krækiberjaedik er að ræða annars vegar og maltedik hins vegar, bruggað úr íslensku hráefni og látið eldast á eik. Edikið er afrakstur samstarfsverkefnis þriggja fyrirtækja, þ.e. Bjálmholts, Eimverks Distillery og Teko. Verkefnið hlaut styrk úr matvælasjóði 2021. Krækiberjaedikið hentar vel á salat eða sem brauðídýfa í bland við íslenska repjuolíu. Maltedikið hentar vel á salat, fisk, kartöflur eða til súrsunar. Undanfarin 12 ár hefur Eimverk þróað byggrækt og áfengisframleiðslu úr íslensku byggi og sett á markað vörur á borð við Flóka-viskí og Vor-gin og Víti-brennivín og er edikframleiðslan spennandi framhald. „Við framleiðslu