Litir, bogadregnar línur og fjölbreytileiki náttúrusteina hafa fengið að láta ljós sitt skína á þessu ári að sögn Írisar Ágústsdóttur, innanhússhönnuðar og eiganda IDEE hönnunarstudio. Íris fagnar því hvað konur hafa verið áberandi í hönnunarheiminum á Íslandi síðustu ár og sívaxandi hönnunarflóru. Þá megum við eiga von á spennandi nýjungum í hljóðvist ásamt dekkri lita og viðartónum. Náttúrusteinar munu líka fá að njóta sín á nýjum og óhefðbundnum stöðum.
