Aþena er virkilega spennandi og fjölbreytt borg sem gaman er að heimsækja, sérstaklega fyrir sælkera því góðir veitingastaðir, barir og kaffihús virðast vera á hverju horni í borginni. Ég varði nokkrum dögum í Aþenu í sumar og varð sko ekki fyrir vonbrigðum með matinn sem ég fékk. Hér tel ég upp nokkra góða staði sem mér finnst óhætt að mæla með, listinn gæti að vísu verið mun lengri en ég læt þetta duga í bili.
