Tinna Rós Þorsteinsdóttir titlar sig alþýðulistamann en hún vinnur þvert á miðla í popplist sem mætti lýsa sem óð til efnishyggju, neyslu – og dægurmenningu og fortíðarhyggju. Fyrst og fremst er þó listin hennar gleðiaukandi, lífleg og litrík.
Tinna blandar oft saman því fínna við hið hversdagslega, dægurmenningu við hámenningu og svo náttúru við efnishyggju í list sinni en segir að það sé ekki endilega í neinum áróðri eða kaldhæðni.
