Í fallegri íbúð í Norðurmýrinni býr Ragnheiður Bogadóttir ásamt fjölskyldu sinni. Skemmtilegir litir einkenna íbúðina en Ragnheiður hefur alltaf verið óhrædd við að leika sér með áhugaverðar litasamsetningar. Eldhúsið er einstaklega smekklegt og er miðpunktur í íbúðinni en Ragnheiður hannaði það sjálf. Sömu sögu má segja um baðherbergið en draumur Ragnheiðar hafði lengi verið að eignast baðherbergi í þessum tiltekna stíl.
