Parinu Tómasi Ponzi og Björk Bjarnadóttur finnst ekkert betra en að fást við ræktun og segja ánægjuna af því að rækta sitt eigið grænmeti engu lík. Þau búa ásamt Agli Mikael syni sínum í Mosfellsdal á bænum Brennholti. Gestgjafinn fékk að kíkja í heimsókn og fræðast um tómataræktunina þeirra og ýmislegt fleira sem þau rækta. Einnig gefa þau okkur uppskrift að einföldu og dásamlegu tómatapasta þar sem hráefnið fær að njóta sín.
