Brávallagata er gömul og gróin einstefnugata sem einkennist af rólegheitum og fallegum gróðursælum görðum. Á þessum vinsæla stað í gamla Vesturbæ Reykjavíkur býr Arís Eva Vilhelmsdóttir ásamt sambýlismanni sínum, Fannari Óla Ólafssyni, og börnum þeirra tveimur, Flóru Lind, sjö ára, og Ólafi Breka, átta mánaða. Arís og Fannar leigja íbúðina en hafa gert hana algjörlega að sinni.
