Íslenska kvikmyndin Kuldi var frumsýnd í byrjun september en kvikmyndin er byggð á metsölubók eins af okkar ástsælu krimmahöfundum, Yrsu Sigurðardóttur. Erlingur Óttar Thoroddsen leikstýrir myndinni og aðlagar söguþráðinn í nýtt handrit en hann hefur áður leikstýrt hrollvekjunum Rökkur (2017) og Child Eater (2016). Með aðalhlutverk í Kulda fara Jóhannes Haukur Jóhannesson, Elín Hall, Halldóra Geirharðsdóttir, Mikael Kaaber og Selma Björnsdóttir.
