Innanhússstílistinn Bergþóra Kummer, eða Begga eins og hún er kölluð, er eigandi fyrirtækisins BK DECOR. Hún tekur að sér fjölbreytt verkefni þar sem hún veitir almenna ráðgjöf um skipulag, lita- og efnisval, lýsingu og val á húsgögnum og fylgihlutum svo dæmi séu tekin. Hún segir ró færast yfir sig þegar skipulag inni á heimilum er upp á tíu og hver hlutur á sinn stað. Hún lumar á ýmsum góðum ráðum og deilir nokkrum með okkur.
