Í Verkamannabústöðunum við Hringbraut er íbúð Steineyjar Skúladóttur, söng-, leik- og sjónvarpskonu staðsett. Húsasamstæðan var reist á árunum 1931-1935 af Byggingarfélagi verkamanna, síðar Byggingarfélagi alþýðu. Guðjón Samúelson arkitekt teiknaði og voru húsin byggð í fúnkisstíl. Fram kemur í skýrslu frá Borgarsögusafni að byggingarsamstæðan sé með elstu húsum sem skipulögð voru í anda fúnksjónalisma og eru í dag órjúfanlegur hluti af götumynd þessa svæðis. Steiney hefur verið áberandi í íslensku menningarlífi að undanförnu og situr ekki auðum höndum. Hún er ekki aðeins þátttakandi í Söngvakeppni sjónvarspins og einn af meðlimum Kanarí-grínhópsins heldur tók hún nýverið íbúðina sína í gegn frá a-ö og er útkoman stórgóð.
