Nýverið heimsóttum við þau Ágústu Jónasdóttur og Róbert Inga Richardsson á notalegt heimili þeirra í Kópavoginum. Þar eru ljósir náttúrulitir ríkjandi og leggja þau mesta áherslu á að heimilið sé hlýlegt. Á heimilinu stýrir samspil notagildis og fagurfræði ferðinni og er útgangspunkturinn ávallt að fólki líði vel í rýminu. Eftir að hafa skoðað heimilið lögðum við leið okkar í búðina Íslensk heimili í Ármúla sem þau Ágústa og Róbert reka og þá mátti glögglega sjá skýra tengingu á milli heimilisins og verslunarinnar.
