Stórkostlegur Harry Potter

Texti: Steingerður Steinarsdóttir Vinsældir Harrys Potters hafa síður en svo dalað. Allt frá því fyrsta bókin kom út í Bretlandi árið 1997 hefur hróður hans flogið um heiminn og börn alls staðar sökkt sér ofan í bækurnar. Þær hafa allt það sem góðar barnabækur þurfa að hafa, skýr skil milli góðs og ills, fallegan boðskap um vináttu og verðugar lexíur um þrautseigju, alúð og útsjónarsemi. Nýlega kom út hér á landi viðhafnarútgáfa á bókinni Harry Potter og fanginn frá Azkaban, myndskreytt af Jim Kay. Þetta er einstaklega fallega unnin bók. Teikningarnar hrein listaverk, pappírinn vandaður og brotið stórt og viðamikið.