Hönnun

Innblástursbomba í dulargervi ráðstefnu

Umsjón/ Þórey Þórsdóttir Myndir/ HönnunarMars, Aldís Pálsdóttir Alþjóðlega hönnunarráðstefnan DesignTalks fer fram 6. maí 2026 í Silfurbergi í Hörpu. Ráðstefnan er hluti af HönnunarMars, stærstu og áhrifamestu hönnunarhátíð Íslands, sem hefur fyrir löngu fest sig í sessi sem einn mikilvægasti vettvangur landsins fyrir fagleg samtöl, gagnrýna hugsun og alþjóðleg tengsl á sviði hönnunar og arkitektúrs.  Það má með sanni segja að DesignTalks sé hjarta HönnunarMars, þar sem hugmyndir, fólk og framtíðarsýn mætast. Með erindum og lifandi samtölum við leiðandi hönnuði, arkitekta og skapandi hugsuði hvaðanæva að úr heiminum býður ráðstefnan upp á einstakt ferðalag inn í hugmyndaheim þeirra sem móta umhverfi okkar, menningu og daglegt líf; oft á óvæntan og ögrandi hátt. DesignTalks er því ekki nein hefðbundin ráðstefna, heldur upplifun þar sem innblástur, framsýni og sögur sem snerta við okkur fá að njóta sín. Leiðandi hönnuðir rýna í stóru spurningarnar: Hvernig mótar hönnun samfélagið? Hvert stefnum við? Hvaða hlutverki gegnir sköpun í síbreytilegum og hröðum heimi?  RAUÐI...