Uppskriftir

GestgjafinnVinsælt

Matur sem fær þig til að dansa

Umsjón/ Þórey ÞórsdóttirMyndir/ Eva Schram  Ástríðukokkurinn, dansarinn og einkaþjálfarinn Yesmine Olsson er eigandi veitingastaðarins Funky Bhangra. Yesmine hefur frá ungaaldri haft gríðarlegan áhuga á mat og rætur hennar til Sri Lanka og Svíþjóðar hafa mótað einstaka sýn hennar á matargerð. Hún hefur haldið fjöldann allan af matreiðslunámskeiðum, sett upp Bollywood-sýningar, gefið út matreiðslubækur og verið með eigin matreiðsluþætti svo fátt eitt sé nefnt. Hún nýtir þekkingu sína úr heilsugeiranum til að þróa nærandi uppskriftir þar sem litir, krydd og gleði fá að njóta sín. Hvers vegna ákvaðstu að opna þinn eigin veitingastað?  „Ég hafði aldrei séð fyrir mér að starfa við mat, hvað þá að opna minn eigin veitingastað. Það var einfaldlega ekki á planinu. Ég ætlaði bara að dansa og setja upp sýningar og þess háttar. En eftir að hafa gefið út fjórar matreiðslubækur, gert þrjá sjónvarpsþætti, fengið nokkur alþjóðleg verðlaun og sett upp heila Bollywood-sýningu byggða á mínum uppskriftum, þá fundum við Addi, maðurinn minn, að við værum kannski ekki alveg búin með þennan pakka. Við fundum samt að þetta kallaði á nýtt samhengi og framhald. Okkur fannst því eðlilegt næsta skref að opna veitingastað.“...