Hrefna Rósa Sætran er landsmönnum vel kunnug; hún er lærður matreiðslu meistari, veitingahúsaeigandi, sjónvarpskokkur og höfundur en hún gaf nýverið út sína fyrstu matreiðslubók fyrir börn sem hefur verið vel tekið. Hrefna hóf ferilinn aðeins 19 ára gömul og er í dag eigandi Fiskmarkaðarins, Grillmarkað arins, Uppi bar, Skúla Craft Bar og La Trattoria á Hafnartorgi. Það er ekkert sem stoppar Hrefnu þegar hún ákveður að leggja eitthvað fyrir sig hvort sem það eru Ólympíuleikar í matreiðslu eða kraftlyftingar.
