Parið Ellen Helgadóttir og Pálmi Ragnar Ásgeirsson settu sína formfögru og björtu þakíbúð í Vesturbænum nýverið á sölu en við hittum þau fyrr í sumar og fengum að líta inn. Birtan, lofthæðin og eldhúsið var það sem heillaði þau við íbúðina á sínum tíma. Pálmi hefur verið í sviðsljósinu síðustu ár fyrir tónsmíði sína en hann starfar sem tónlistarmaður og Ellen sem sálfræðingur. Hönnun og listir eru þeirra sameiginlega áhugamál en smekkur þeirra á mikla samleið sem gerir þeim auðvelt fyrir að hanna fallegt heimili.
