Mojito er einn af vinsælustu kokteilum heims. Hann á uppruna sinn á Kúbu þar sem löng hefð er fyrir framleiðslu á rommi úr sykurreyrnum. Mojito hefur lengi verið kynntur sem uppáhaldsdrykkur rithöfundarins Ernest Hemingway, sem bjó í tæpan áratug á Kúbu. Það má einnig gera áfengislausan Mojito með því að sleppa romminu og fylla glasið af sódavatni í staðinn. Þannig er hann svalandi og sætur drykkur.
