veitingastaður

Gestgjafinn

Sælureitur sælkerans

Umsjón/ Þórey ÞórsdóttirMyndir/ Sunna Gautadóttir Við Vesturgötu 2 stendur Bryggjuhúsið, sögufræg perla sem hjónin Hrefna Ósk Benediktsdóttir og Ýmir Björgvin Arthúrsson hafa endurvakið með miklum glæsibrag. Staðurinn er allt í senn; veitingastaður, vínbar og veislusalir, þar sem saga og sál hússins skín í gegn hvert sem litið er. Áhersla er lögð á notalegt andrúmsloft og framúrskarandi þjónustu þar sem upplifun gesta er höfð í fyrirrúmi. Jafnframt fá gestir að njóta einnar stærstu nútímalistasýningar Íslandssögunnar á meðan þeir gæða sér á ljúffengum kræsingum í þessu einstaka rými.  Hrefna og Ýmir eru engir nýgræðingar þegar kemur að því að skapa eftirminnilegar stundir. Síðastliðin 15 ár hafa þau rekið ferðaþjónustufyrirtækið Magical Iceland, þar sem þau sérhæfa sig í matar- og drykkjartengdum upplifunum fyrir ferðamenn. Þar að auki standa þau á bak við hina vinsælu matartúra „Sælkerasveim“, þar sem farið er með hópa á fjölbreytta staði og faldar perlur í miðborg Reykjavíkur. „Allt snýst þetta um upplifun og persónulega þjónustu í hæsta gæðaflokki. Við erum mjög kröfuhörð þegar kemur að góðum mat, þjónustu og gæðastundum,“ segir Hrefna. ÓVÆNT ÆVINTÝRI  Það var...