Tónlistarmaðurinn, myndlistarmaðurinn og ljóðskáldið Bjartmar Guðlaugsson fagnaði 70 ára afmæli þann 13. júní og heldur af því tilefni stórafmælistónleika í Háskólabíói 18. júní. Bjartmar stiklar á stóru þegar hann lítur yfir farinn veg, bransann sem hann hefur verið í í 44 ár en ætlaði aldrei að verða hluti af. Hann er sáttur við sjálfan sig og segist muni skapa svo lengi sem áhuginn og getan verði til staðar.
