Lóan er komin til að kveða burt snjóinn, túlípanar og páskaliljur prýða garðana og það styttist í sælu sumardagana. Við hjá Gestgjafanum erum komin í sólskinsskap og hlökkum til þess að njóta um páskana. Tilhlökkun fylgir líka vorinu; fyrsta grillið, að borða úti, kaffiboð og svo mætti lengi telja. Við vonum að þið finnið góðar uppskriftir í þessu blaði líkt og kókosbolludrauminn á síðustu síðu blaðsins sem er tilvalinn á fyrsta degi sumars.
