Helga Valdís er yfirumsjónarhönnuður hjá Hvíta húsinu og krotari en hún heldur úti Instagram-síðunni krotdagsins. Þar má sjá líflegar línuteikningar sem segja skemmtilegar sögur oft úr hverdagslífinu. Helga Valdís vill nostra við fegurðina í hönnunarferlinu, fylgja innsæinu og brjóta reglurnar á réttum stöðum. Hún hvetur unga hönnuði til þess að hugsa stærra og nýta alla gagnrýni sem afl til góðs.
